கூகுள் பிளசில் Special Formats-களை உபயோகிப்பதற்கு

ஒரு குறிப்பிட்ட செய்தியை மற்றவர்களுக்கு தெரிவிக்கும் போது, அதில் முக்கியமான ஒன்றை Bold ஆக கொடுப்பது வழக்கம். ஏனெனில் அதை பார்த்த உடன் தெளிவாக புரிந்து கொள்ளலாம்.
ஆனால் கூகுள் பிளஸ் போன்ற சமூக தளங்களில் டெக்ஸ்ட் போர்மட்களை நேரடியாக உபயோகிக்க முடியாது. ஆனால் ஒரு சில ரகசிய குறியீடுகளை உபயோகிப்பதன் மூலம் Bold, Italic மற்றும் Strike through போன்ற ஸ்பெஷல் போர்மட்களை உபயோகிக்க முடியும்.

Bold: போல்டாக வர வேண்டிய வார்த்தைக்கு முன்னும் பின்னும் * குறியை சேர்ப்பதால் அந்த வார்த்தையை போல்டாக மாற்றலாம்.

*கவனிக்கவும்*

கவனிக்கவும்

Italic: Italic ஸ்டைலில் வார்த்தை வரவேண்டுமென்றால் வார்த்தைக்கு முன்னும் பின்னும் _ என்ற குறியை போடவும்.

__வணக்கம்__

வணக்கம்

Strikethrough: Strikethrough இது போன்று உங்களின் எழுத்துருவை மாற்ற வார்த்தைக்கும் முன்னும் பின்னும் - இந்த குறியை இடவும்.

-இது தேவையில்லை-

இது தேவையில்லை

அனைத்தும்: மற்றும் ஒரே வார்த்தையில் இந்த மூன்று எபெக்டும் வர வேண்டுமென்றால் அந்த வார்த்தைக்கு முன்னும் பின்னும் இந்த குறியீடுகளை கொடுக்க வேண்டும். முன்னும் பின்னும் ஒரே வரிசையில் கொடுக்க வேண்டிய அவசியம் இல்லை.

*_-சோதனை பதிப்பு*-_

சோதனை பதிப்பு

இந்த முறையில் குறீடுகளை உபயோகித்து கூகுள் பிளஸ் தளத்தில் டெக்ஸ்ட் போர்மட்களை உபயோகித்து கொள்ளலாம்.

Lankatech

Leia mais...

சிறுவர்களுக்கு பாதுகாப்பான இணையத் தேடலை ஏற்படுத்தி தர...

இன்றைய உலகில் கற்றுக் கொள்வதற்கும் அறிவுத் தேடலுக்கும் முதல் தேவை இணைய இணைப்பும், இணையத் தேடலும் தான்.
இதில் அபாயம் தரும் இன்னொரு பக்கமும் உள்ளது. முற்றிலும் கட்டற்ற இணையம் சிறுவர்களுக்கு அபாயகரமானது.

பாலியல் தளங்களும், வன்முறையை போதிக்கும் தளங்களும் இணையத்தில் நிறைந்து கிடக்கின்றன.

இவற்றைப் பார்க்காதே என்று ஒரு காவலாளி போல சிறுவர்களை எந்நேரமும் கட்டுப்படுத்துவது இயலாது.

மேலும் வரையறைகளை அமைப்பது இன்றைய டிஜிட்டல் உலகில் பெற்றோர்களுக்கும் சற்று சிரமமான செயல்பாடாக உள்ளது. இயலாததும் கூட.

பெற்றோர் தடை இடுகையில் அதனை மீற வேண்டும் என்ற இயல்பு சிறுவர்களுக்கு இயல்பாகவே தோன்றுவது இயற்கையே.

இந்தச் சூழ்நிலையைச் சமாளிக்க நமக்கு K9 Web Protection என்னும் புரோகிராம் நமக்கு உதவுகிறது. இணையத்தில் இலவசமாகக் கிடைக்கும் இந்த புரோகிராம் வீடுகளில் பயன்படுத்தும் கணனிகளில் கட்டுப்பாடுகளை விதிக்க உதவுகிறது. இதன் மூலம் எப்பொழும் கணனி கட்டுப்பாட்டுடன் வைக்க முடியும்.

உங்கள் குழந்தைகளை இணையம் தரும் தீமைகளிலிருந்து பாதுகாக்க உதவிடும்.

இதன் சிறப்பம்சங்களாவன:

பாலியல், போதை மருந்து, தனிநபர் டேட்டிங், வன்முறையைப் போதிப்பது, வெறுப்பினை வளர்ப்பது, இனவேறு பாட்டினைத் தூண்டுவது என 70க்கும் மேற்பட்ட பல்வேறு பிரிவுகளாக, இணைய தளங்களைப் பிரித்து வைத்து தடுக்கலாம்.

குழந்தைகளின் வயதின் அடிப்படையில், தடுப்பு நிலைகளை அமைக்கலாம். அனைத்து தேடல் சாதனங்களிலும், SafeSearch என்ற ஒன்றை இயக்கி வைக்கலாம். குறிப்பிட்ட நேரத்தில் இணையத் தொடர்பினை ஏற்படுத்த இயலாமல் செட் செய்திடலாம்.

எப்போதும் அனுமதி மற்றும் எப்போதும் தடை செய்திடு என இருவகைகளாக இணையத்தளங்களைப் பிரித்து அமைக்கலாம். பெற்றோர் அமைத்திடும் பாஸ்வேர்ட் மற்ற பாஸ்வேர்ட்களையும் மீறி இருக்கும் வகையில் அமைக்கலாம்.

கணனி தொழில் நுட்பம் சற்று அதிகம் தெரிந்து பயன்படுத்துபவர்கள் கூட, மீட்டெடுக்க முடியாத தடைகளை உருவாக்கலாம். தடை செய்யப்பட்ட தளங்களைப் பார்த்தால், அது குறித்த அறிக்கை தரும்படி அமைத்திடலாம். விண்டோஸ் மட்டுமின்றி, மேக் கணனிகளில் இயங்கும் வகையிலும் இது தரப்படுகிறது.

K9 Web Protection என்ற இந்த புரோகிராம், மைக்ரோசாப்ட் விண்டோஸ் 7, விண்டோஸ் விஸ்டா, விண்டோஸ் எக்ஸ்பி, மேக் ஓ.எஸ். எக்ஸ் 10.4.7 மற்றும் அதற்கும் மேற்பட்ட சிஸ்டங்களில் இயங்குகிறது.

இதனை தரவிறக்கம் செய்து நிறுவச் செய்திடுகையில், லைசன்ஸ் கீ தரும்படி இந்த புரோகிராம் கேட்கும்.

இணையதள முகவரி

lankatech

Leia mais...

ஒக்டோபர் 26ஆம் திகதி வெளியாகிறது விண்டோஸ் 8

அனைவரும் ஆவலுடன் எதிர்பார்த்துக் காத்திருக்கும் விண்டோஸ் 8 இயங்குதளம் பொதுமக்களுக்கு எதிர்வரும் ஒக்டோபர் மாதம் 26ஆம் திகதி வழங்கப்படும் என மைக்ரோசாப்ட் அறிவித்துள்ளது.

மைக்ரோசாப்ட் நிறுவனத்துடன் ஒப்பந்தம் மேற்கொண்டு கணணிகளைத் தயாரித்து வழங்கும் நிறுவனங்கள், தங்கள் கணணிகளில் இதனை பதிந்தே விற்கும். எனவே ஒரு விண்டோஸ் 8 சிஸ்டம் காப்பி, அது பதியப்படும் மதர் போர்டுடன் மட்டுமே செயல்படும்.

அதனை மற்ற மதர்போர்டு உள்ள கணணிக்கு மாற்ற முடியாது. எனவே இன்னொரு புதிய பெர்சனல் கம்ப்யூட்டருக்கு மாற வேண்டும் என எண்ணினால், புதிய விண்டோஸ் 8 ஒன்று வாங்க வேண்டியதிருக்கும்.

ஏற்கனவே உள்ள இயங்குதளங்களை, விண்டோஸ் 8 சிஸ்டத்திற்கு அப்கிரேட் செய்திட விரும்புபவர்களுக்கு, அதற்கான கட்டணமாக 40 டொலர் செலுத்திய பின்னர் உரிமம் வழங்கப்படும். மூன்று வாரங்களுக்கு முன்னர், ஒக்டோபர் இறுதியில் வெளியிடப்படும் என நாள் குறிக்காமல், மைக்ரோசாப்ட் அறிவித்திருந்தது.

இப்போது சரியாக என்று கிடைக்கும் என தன் திட்டத்தினை வெளியிட்டுள்ளது. மைக்ரோசாப்ட் நிறுவனத்தைப் பொறுத்தவரை, விண்டோஸ் 8 இயங்குதளம் அதன் வரலாற்றில் ஒரு புதிய திருப்பத்தினை உண்டாக்கப் போகிறது.

முதல் முறையாக இரு வேறு வகை கணணி சாதனங்களில் இயங்கும் வகையில் ஓர் இயங்குதளத்தினை மைக்ரோசாப்ட் வழங்க இருக்கிறது.

டெஸ்க்டாப் மற்றும் டேப்ள்ட் பிசி மட்டுமின்றி, விண்டோஸ் போனிலும் இது இயங்கும். மைக்ரோசாப்ட் அறிவித்த சர்பேஸ் டேப்ளட் பிசியும் இதனுடன் சேர்ந்து வெளியாகும் என எதிர்பார்க்கலாம்.

2011ஆம் ஆண்டில் நுகர்வோருக்கான எலக்ட்ரானிக்ஸ் சாதனங்களுக்கான கண்காட்சியில், விண்டோஸ் 8 குறித்த திட்டவரைவை மைக்ரோசாப்ட் வெளியிட்டது.

சிப் ஒன்றில் இது சிஸ்டமாகக் கிடைக்கும் எனக் கூறிய போது, அனைவரும் கவனிக்கத் தொடங்கினர். அடுத்து ஜூன் 1, 2011 அன்று கம்ப்யூட்டக்ஸ் 2011ஆம் ஆண்டில் அதிகாரபூர்வமாக அறிவிப்பு வெளியானது.

அன்று அறிவிக்கப்பட்ட விண்டோஸ் மெட்ரோ இன்டர்பேஸ், மக்களிடையே ஆர்வத்தைத் தூண்டியது. அதே நேரத்தில் பழையவகை விண்டோஸ் திரையும் இருக்கும் எனவும் அறிவிக்கப்பட்டது.

விண்டோஸ் 7 சிஸ்டத்தைக் காட்டிலும் அதிவேகமாக விண்டோஸ் 8 பூட் ஆகும், யு.எஸ்.பி. 3 கிடைக்கும், விண்டோஸ் ஸ்டோருக்கான இணைப்பு தரப்படும்.

யு.எஸ்.பி. ட்ரைவிலிருந்து விண்டோஸ் இயக்கலாம் என்ற புதிய தகவல்கள் கணணி பயன்படுத்துபவர்களிடையே அதிக எதிர்பார்ப்புகளை ஏற்படுத்தி வருகின்றன.

From Lankasri

Leia mais...

வீடியோ கேம் பிரியர்களு​க்காக புதிய டேப்லெட் அறிமுகம்

வீடியோ கேம் உபகரணங்களை தயாரிக்கும் "ரேசர்" நிறுவனமானது வீடியோ கேம் பிரியர்களை நோக்கமாக் கொண்டு "பியோனா" எனப்படும் புதிய டேப்லட்களை உருவாக்கி வருகின்றது.

டேப்லெட்டின் இரண்டு பக்கவாட்டிலும் இயக்குபிடிகள் காணப்படுவதுடன் தேவைக்கேற்றவாறு தொடுதிரை வசதியையும் பயன்படுத்த முடியும்.

அத்துடன் வின்டோஸ் 8 இயங்கு தளத்தையும் பயன்படுத்தக்கூடியதாக இருக்குமாம். இதில் Intel Core i7 processor இணைக்கப்பட்டிருப்பதனால் மிகவேகமாக இயங்குவதுடன் "Angry Birds" போன்ற உயர் தரமுடைய கணினி விளையாட்டுக்களையும் பயன்படுத்த முடியும்.

இவற்றை 2012ல் நான்காவது காலாண்டுப்பகுதியில் நடக்க இருக்கும் நுகர்வோர் இலத்திரனியல் கண்காட்சியில் வெளியிட திட்டமிடப்பட்டிருக்கின்றது.

 இதன் பெறுமதியானது 1000 அமெரிக்க டொலர்களிலும் குறைவாகவே காணப்படும் என தெரிவிக்கப்பட்டுள்ளது.

Leia mais...

உயர் தொழிநுட்பத்​துடன் வெளிவரவிரு​க்கும் புதிய ஜ பாட்!

நீண்ட கால திட்டத்தின் அடிப்படையில் அப்பிள் நிறுவனமானது வரும் மார்ச் மாதமளவில் உயர் வரையறை (High-Definition) கொண்ட திரை மற்றும் தற்பொழுது காணப்படும் ஜ பொட்களிலுள்ளதை விடவும் வேகமான புரோசசரை கொண்ட புதிய ஜ பாட் ஐ வெளியிட இருக்கி்ன்றது.இதில் வயர்​லெஸ் தொழில்நுட்பமும் காணப்படுவதுடன், கடந்த தலைமுறை ஐ பாட்களை விடவும் வேகம் அதிகமாக காணப்படுமாம். இதன் பகுதிகள் ஆசியாவிலுள்ள பொக்ஸ்கோன் தொழில்நுட்ப நிறுவனத்தின் மூலம் ஒன்றிணைக்கப்பட்டு சந்தைப்படுத்தப்படவுள்ளது என்பது குறிப்பிடத்தக்கது.

Leia mais...